Ish-drejtori i Galerisë Kombëtare të Arteve, kritiku dhe historiani i estetikës dhe artit, Gëzim Qendro, është ndarë sot nga jeta, pas një sëmundje të rëndë.
Lajmin e hidhur e ka njoftuar përmes një postimi në rrjetin social, ministrja e Kulturës, Mirela Kumbaro.
Kjo e fundit shkruan se vendosi të largohet prej nesh shumë para kohe, një nga më të mirët, më profesionistët e më të mençurit e Artit dhe të Mendjes, drejtori që bëri kthesën në Galerinë Kombëtare të Arteve, Gëzim Qendro.
Ndërkaq, homazhet për nder të Gëzim Qendros do të mbahen nesër në orën 10:00 deri në 11:00 në GKA.
POSTIMI I PLOTË
“Trishtim i madh!
Vendosi të largohet sot prej nesh, pas një sëmundje të rëndë dhe shume para kohe, një nga më të mirët, më profesionistët e më të mençurit e Artit dhe të Mendjes, kritiku dhe historiani i estetikës dhe artit, drejtori që bëri kthesën në Galerinë Kombëtare të Arteve, Gezim Qendro.
Le vepra shume te mira mik!
Por edhe na le nje boshllek te madh njerezor e miqsor siç vetëm fisnikët munden.
Je i pazevendesueshem!
Lamtumire!”